Գլաձորցիները շարունակում են հանդիպումները ավագ դպրոցների և քոլեջների ավարտական կուրսերի սաների հետ: Այս անգամ համալսարանի պրոռեկտոր, տ.գ.թ., դոցենտ Դանիել Ջհանգիրյանը և Կարիերայի կենտրոնի ղեկավար Էլիզա Հովհաննիսյանն այցելեցին Էջմիածնի Վարդգես Համազասպյանի անվան պետական քոլեջ և Երևանի Ավ. Իսահակյանի անվան համար 16 ավագ դպրոց: Այցերի նպատակը շրջանավարտների մասնագիտական կողմնորոշումն է: Նմանատիպ հանդիպումների շրջանակներում ներկայացվում են «Գլաձոր» համալսարանը, գործող մասնագիտությունները, բուհի առավելությունները՝ տրվող գիտելիքներից մինչև մատուցվող ծառայություններ, համալսարանի նորաբաց լաբորատորիաները՝ կրիմինալիստիկայի լաբորատորիա, ստոմատոլոգիական կլինիկա և այլն:
Ինչպես միշտ հանդիպումները միայն Գլաձորի մասին տեղեկատվությամբ չեն ավարտվում: Դ. Ջհանգիրյանն ներկաների համար բացահայտեց Պրոֆայլինգի մի քանի գաղտնիք: Հատկապես երիտասարդներին հետաքրքրող թեմա, որի մասին պրոֆայլերը ավելի մանրամասն կխոսի դեկտեմբերի 15-ին Գլաձորում կայանալիք մեծ թրեյնինգի ժամանակ, որի կարող են մասնակցել բոլոր ցանկացողները: Մուտքն ազատ է:
Ի դեպ՝ «Գլաձորում» գործում են հետևյալ մասնագիտությունները
✔Իրավագիտություն
✔Կրիմինալիստիկա
✔Միջազգային հարաբերություններ
✔Ֆինանսներ
✔Կառավարում
✔Շուկայագիտություն, (մարքեթինգ)
✔Հաշվապահական հաշվառում և հարկում
✔Օտար լեզու և գրականություն
✔Լեզվաբանություն, թարգմանչական գործ
✔Հայոց լեզու և գրականություն
✔Լրագրություն
✔Ինֆորմատիկա (համակարգչային գիտություն)
✔Բուժական գործ
✔Ստոմատոլոգիա
Ընդունելության համար կարելի է հանձնել ինչպես միասնական, այնպես էլ ներբուհական քննություններ: